影片
更多
2019-01-12
135 浏览
圣诞佳节期间心情系特别容易放纵，食完又食，特别系甜品更加系不能拒绝。所以今日去咗尖沙咀嘅呢间甜品铺大吃特吃。两个人分别各自叫咗两款甜品，所以总共有四款：心太软、焦糖炖蛋、窝夫伴雪糕、朱古力芭菲！另外见可能会太甜而口渴，我认为叫一壶茉莉花茶系最适合不过，除咗可以暖暖胃，又可以中和下口里面嘅甜味，一壶够两个人饮，饮完仲可以Re-fill，十分推荐。最先到嘅甜品系丝丝入心嘅心太软，需要大赞一下的确系制作得唔错，用叉切开朱古力蛋糕时，质感外层带脆但入口松化味道香浓，加上流心嘅黑朱古力浆，整体又唔会甜得过份，再配上一啖冰冻嘅雪糕，实在令人非常满足！可以话系最近食过嘅心太软之中，论口感至味道做到最好嘅一间。但唯一美中不足系个摆碟太花巧，饼干牢牢痴住系杯面，除咗食唔到块饼之余，流心朱古力快速流入杯内，用叉滗起杯内嘅雪糕都系十分狼狈，有点弄巧成拙。其次焦糖炖蛋都相当不俗，即叫即烧，香脆嘅焦糖糖衣，配上软滑嘅炖蛋，面头一少撮云尼拿奶油，整体十分温和。蛋味香浓而甜度适中，多食都唔觉漏，真系百吃不厌。接住嘅魔鬼朱古力芭菲，可以话系犹如其名，卖相非常甜美，但糖量真系超级邪恶。皆因芭菲里面除咗有朱古力蛋糕、朱古
最先到嘅甜品系丝丝入心嘅心太软，需要大赞一下的确系制作得唔错，用叉切开朱古力蛋糕时，质感外层带脆但入口松化味道香浓，加上流心嘅黑朱古力浆，整体又唔会甜得过份，再配上一啖冰冻嘅雪糕，实在令人非常满足！可以话系最近食过嘅心太软之中，论口感至味道做到最好嘅一间。但唯一美中不足系个摆碟太花巧，饼干牢牢痴住系杯面，除咗食唔到块饼之余，流心朱古力快速流入杯内，用叉滗起杯内嘅雪糕都系十分狼狈，有点弄巧成拙。
其次焦糖炖蛋都相当不俗，即叫即烧，香脆嘅焦糖糖衣，配上软滑嘅炖蛋，面头一少撮云尼拿奶油，整体十分温和。蛋味香浓而甜度适中，多食都唔觉漏，真系百吃不厌。
接住嘅魔鬼朱古力芭菲，可以话系犹如其名，卖相非常甜美，但糖量真系超级邪恶。皆因芭菲里面除咗有朱古力蛋糕、朱古力可可米、麦堤莎、朱古力雪糕、云尼拿软雪糕、阿华田布甸，仲有好多朱古力浆。虽然魔鬼，但芭菲往往拥有一份魔力，令人忍唔住要柯打一试。当然味道系以上你能想像得到嘅零食味道大集结，但我认为背后真正尝到嘅系完满咗儿时对芭菲憧憬想一试嘅成就，以及获得过份甜度嘅满足感。
最后一款，香蕉金莎朱古力窝夫伴雪糕，呢款甜品都令我极为深刻，不单只系佢嘅尺寸大份量多，窝夫本身口感做到外脆内软，食入口感到意外，又做得几好。若只有朱古力酱实在太单调，因此香蕉、榛子、雪糕等等配料，令到成件事更多样化。香蕉果香，榛子口感，冻雪糕带来嘅温度变化。整体味道到厨势手势，都非常唔错，会想再安哥嘅甜品。
总结，店内甜品整体唔算太大份，但两个人食四款甜品确实系有点多，我谂大概三款应该刚刚好。至于甜品味道方面，整体几款都不错，颇有水准，因此呢间位于尖沙咀嘅甜品店绝对值得一试！
张贴
