影片
更多
2019-01-29
1217 浏览
今日朋友系中环话想食日本野，刚好记得威灵顿街有间“大吉” ，我哋就行过去睇下有冇位。可能时间尚早，去到未开始多人，本来谂住可以大擦一餐食放题，但原来大吉冇咗放题，佢已经转咗为日式居酒屋。 既然嚟到，唔紧要啦照食试下佢转营后表现如何先。日本餐厅依旧系日式装备，背景音乐主要为日本，英文，仲有我好耐冇听过的酒井法子歌，主打柔和。职员有礼效率高，好快递上餐牌，上绿茶及介绍是日精选俾我哋，仲话啤酒，红白酒今日买一送一，平均二十几蚊一杯啤酒，睇落几抵咁，但可惜今日𠮶位朋友唔钟意饮酒，所以唯有下次啦～今次我哋叫咗个招牌《海胆三重奏杯》，寿司拼盘同一盘刺身。《海胆三重奏杯》好似一个塔咁，外型咁特别，新鲜海胆比较软身，要砌到好似塔咁高，仲放得上只甜虾系上面，应该都几考功夫；餐牌上写住话海胆三重奏杯系由海胆，牡丹虾及三文鱼籽造成，但我觉得应该唔至咁简单，应该仲有其他秘制材料加咗落去所以咁鲜甜美味。。。上海胆同时餐厅配埋紫菜， wasabi，青瓜丝，等我哋可以包住个海胆黎食，十分细心，唔够待应仲会refill畀我哋。寿司拼盘有8款寿司，由三文鱼，吞拿鱼，北寄贝，甜虾等，海鲜新鲜，配埋饭团十分美味（我走𠮶时先
日本餐厅依旧系日式装备，背景音乐主要为日本，英文，仲有我好耐冇听过的酒井法子歌，主打柔和。职员有礼效率高，好快递上餐牌，上绿茶及介绍是日精选俾我哋，仲话啤酒，红白酒今日买一送一，平均二十几蚊一杯啤酒，睇落几抵咁，但可惜今日𠮶位朋友唔钟意饮酒，所以唯有下次啦～
今次我哋叫咗个招牌《海胆三重奏杯》，寿司拼盘同一盘刺身。
《海胆三重奏杯》好似一个塔咁，外型咁特别，新鲜海胆比较软身，要砌到好似塔咁高，仲放得上只甜虾系上面，应该都几考功夫；餐牌上写住话海胆三重奏杯系由海胆，牡丹虾及三文鱼籽造成，但我觉得应该唔至咁简单，应该仲有其他秘制材料加咗落去所以咁鲜甜美味。。。上海胆同时餐厅配埋紫菜， wasabi，青瓜丝，等我哋可以包住个海胆黎食，十分细心，唔够待应仲会refill畀我哋。
寿司拼盘有8款寿司，由三文鱼，吞拿鱼，北寄贝，甜虾等，海鲜新鲜，配埋饭团十分美味（我走𠮶时先留意到，原来啲米系日本原产，唔怪得知食落有啲唔同啦）。
刺身有6款海鲜，样样都咁新鲜，厚切，咬落去有口感，又唔干身，我估应该系即叫即切唔会好似某大型连所食店咁切定俾客。
总结，呢个地方食下刺身，同朋友摸下杯底都系个唔错的选择，等我下次同其他朋友再黎过先。
张贴
