大吉居酒屋 (已結業)

今日陪男朋友系附近整西装，经朋友介绍原来大吉已经由放题转型为居酒屋，放题嘅时候我未食过，就决意今晚试下转型后嘅大吉。<白鱼仔日本蕃茄沙律，$98>我地今日都无乜胃口，所以就点个前菜开下胃。沙律菜全部都好新鲜，生菜好爽好甜 ，蕃茄好多汁好鲜甜，配上白饭鱼仔，系好开胃嘅前菜。<盐烧黑豚肉串，$88>黑豚烧得好好食，好腍而且好香豚肉同烧肉嘅味道，我地都觉得好好食，完全无点错。<特杂锦寿司，$258>去食日本料理，基本上寿司系我地必点之选，而今次绝对系令我地又惊又喜。呢个杂锦寿司包括了三文鱼、吞拿鱼、油甘鱼、赤贝、甜虾、三文鱼籽以及拖罗蓉卷。鱼生都好厚切而且好新鲜，好好食，连个饭都觉得整得好好，醋既份量适中，饭既软硬度都系适中。最钟意个拖罗蓉卷、甜虾同赤贝。<吉列广岛蚝，$88>吉烈炸蚝又系我好钟意食既嘢，今晚都点左。炸蚝新鲜热辣炸起，蚝唔会炸到缩哂水，但未系最juicy，而佢配左两个酱汁，一个系日式吉烈酱，比较浓味，另一个系沙律酱，好好食，沾沙律酱既感觉会比较清新。大吉居酒屋个环境好好，好适合同几个朋友黎享受下，价钱中规中矩，个