影片
更多
2019-04-16
182 浏览
上次入黎元朗之后女朋友一直心思思想再黎玩多次，既然咁就顺下佢意再黎元朗觅食。特登上网搜寻咗呢间隐世料理店，俾个惊喜佢之余又顺道庆祝我自己嘅生日。白子。当造嘅白子饱满又大旧。奶香幼滑质感配上酸汁酱油，好好食。南瓜豆腐。以为会好重南瓜嘅蔬菜味，但食落温和反而突出木鱼汤汁嘅咸香。凯撒波菜沙律。蓝芝士唔系咁多人接受到，觉得佢有阵咸鱼味。但可惜遇上我地两个芝士怪，只有更钟意，哈哈。少少蓝芝士已经好够味。因为只系前菜所以唔有太多，刺激味道令人更开胃。刺身拼盘七点。芝麻莹光鱿鱼。因为当造所以粒柆都好多膏，食落香滑弹牙，唔错。真鲷／竹签鱼。口感软腍腍配上柚子酸汁，味道几清新。而竹签鱼皮十分爽脆，不用沾酱油都好好食。鳕鱼／𫚕鱼。厚厚一片入口油香丰腴有咬劲，食得出佢地鱼油比例好重，同样十分肥美鲜甜。用上柚子胡椒可以轻轻降低油腻感，迎接跟住落黎嘅菜式。汁煮金目鲷。平时都系食灼烫刺身多，但用上茄子洋葱炖煮又有另一番风味㖞。因为茄子及洋葱散发嘅甘甜令结实鱼肉软化及入味，所以食落唔腻，个汁觉得可以用黎𩠌饭都一流。鹿儿岛A4和牛天妇罗。肉眼部位炸得五成熟，内里夹咗紫苏叶令到牛肉食落唔油腻。入口外脆内软嘅口感加上又多
白子。当造嘅白子饱满又大旧。奶香幼滑质感配上酸汁酱油，好好食。
南瓜豆腐。以为会好重南瓜嘅蔬菜味，但食落温和反而突出木鱼汤汁嘅咸香。
凯撒波菜沙律。蓝芝士唔系咁多人接受到，觉得佢有阵咸鱼味。但可惜遇上我地两个芝士怪，只有更钟意，哈哈。少少蓝芝士已经好够味。因为只系前菜所以唔有太多，刺激味道令人更开胃。
刺身拼盘七点。
芝麻莹光鱿鱼。因为当造所以粒柆都好多膏，食落香滑弹牙，唔错。
真鲷／竹签鱼。口感软腍腍配上柚子酸汁，味道几清新。而竹签鱼皮十分爽脆，不用沾酱油都好好食。
鳕鱼／𫚕鱼。厚厚一片入口油香丰腴有咬劲，食得出佢地鱼油比例好重，同样十分肥美鲜甜。用上柚子胡椒可以轻轻降低油腻感，迎接跟住落黎嘅菜式。
汁煮金目鲷。平时都系食灼烫刺身多，但用上茄子洋葱炖煮又有另一番风味㖞。因为茄子及洋葱散发嘅甘甜令结实鱼肉软化及入味，所以食落唔腻，个汁觉得可以用黎𩠌饭都一流。
鹿儿岛A4和牛天妇罗。肉眼部位炸得五成熟，内里夹咗紫苏叶令到牛肉食落唔油腻。入口外脆内软嘅口感加上又多肉汁，真系觉得全套菜式黎讲最精彩非佢莫属。配菜嘅椒盐莲藊都几好，令牛肉味道更丰富。
虾夷鲍鱼配上肝酱。蒸煮方法令味道浓缩入去。好多时出面食嘅鲍鱼都唔会用上肝脏怕佢太寒太苦，但美食当前又点忍到口。反而觉得无咗肝酱会令鲍鱼失色不少。因为两样配搭先令味道更浓郁，更能品尝鲍鱼嘅鲜味。
师傅见我地咁惜食，仲俾个饭团我地食埋剩低嘅肝酱，咪做大嘥鬼。
太刀鱼。同我地识知嘅牙带鱼差不多，肉质几结实，而且肉色白雪雪好靓。剥皮鱼／针鱼。用姜葱／萝卜茸等浓味蔬菜配衬嘅针鱼，鱼肉鲜味愈咬甜味愈出。而剥皮鱼配上鱼肝冻食，咸香味道一反之前各款嘅印象，鲜浓混和令人一试难忘。
春鱼／白饭鱼军舰。白饭鱼用上昆布岩盐隔水蒸熟，所以鱼身keep住饱满。咸咸香香嘅味道有别于中式嘅鱼干味。而春鱼用上名荷(姜花蕾)黎调味，引出鱼肉嘅甘香。北寄贝寿司。鲜甜味系食完几道白肉鱼后更觉明显，爽实贝肉令人回味。
拖罗前额／大拖罗。罕有嘅前额肉先以火炙带出焦香，再抺走多余油分减低油腻。筋位烧得焦香成块入口味道又香又鲜。而一向都系主角嘅大拖罗亦恰如其份，鱼肉用上紫苏／大葱配搭，油香四溢之余又不失清爽。
文甲清汤。蚬肉饱满甘甜，令到清汤入口鲜甜又暖心。配上鳗鱼汁煮味道更多层次。
留意到师傅运用寿司饭时由浓到淡，初初使用白醋到后期几款就转咗用赤醋。问返师傅就话每款鱼嘅味道都有唔同变化，做多少少就可以俾客人更佳嘅用餐享受。所以自家制子姜同样好味，酸甜均衡，简单嘅一款配菜都无忽略呢啲细节位都俾心机去做，认真有诚意。
海胆三食。都系用上顶级嘅北海道／小川马粪海胆，配紫菜／紫苏芽平衡海水咸味。软绵绵嘅甘甜及青瓜丝爽脆，绝妙嘅配搭。师傅话会根据当造时节，唔同地方嘅出产又划分为羽立／紫针，再购货运港，所以先可以一年四季都品尝到鲜美嘅海胆。
最后甜品都几有惊喜。自家芝士蛋糕做得几滑，配上长崎士多啤梨微酸混和，为今餐划上完满句点。有时要食好野，真系要花啲时间同心机揾出黎。不过最紧要都系有人愿意不辞劳苦一齐上山下海周围觅食。哈哈。
张贴
