木子居酒屋

营业中

休息中

今日嚟到大围新开嘅日式居酒屋 - 木子居酒屋，店内嘅装潢以木系为主，座位除咗有吧枱同同榻榻米之外，仲有用晒啤酒箱做枱脚嘅餐枱，而墙身摆满清酒做装饰，入到嚟真系好似去咗日本，啱晒一大班人嚟倾计聚会呀！我哋坐定定之后，就开始扫 QR code 点菜啦～餐牌上面都有好多唔同嘅选择，沙律、小食、剌身、寿司同串烧等等，每样都好想试试呀。蕃茄同沙律菜清新爽口，加上胡麻酱，浓滑又香口，令我哋胃口大开。因为鱼干系以味醂腌制，带有少少甘甜嘅味道，配埋沙律酱，送酒一流呀～即系海胆、吞拿鱼腩蓉、帆立贝剌身，食落口感软绵绵，唔单止有海胆同帆立贝嘅鲜甜味仲有香滑嘅吞拿鱼腩蓉 。蟹钳嘅肉质鲜甜，仲好结实同饱满架！鸡颈肉嘅肉质比起其他部位更鲜嫩，仲有丰富嘅肉汁。豚肉中间包住啲豆苗，配上埋酱汁烧得好香，食落爽口juicy，呢个配搭唔错~青椒仔上面加咗木鱼丝，食起嚟有微甜同爽脆嘅质感。材料虽然只有温泉蛋、紫菜、木鱼丝同炸天妇罗脆脆，但系简单得嚟又好味，浸咗汤嘅天妇罗脆脆依然香脆香口，荞麦面仲好弹牙㖭！