風車

营业中

休息中

因为大围而家开咗新嘅商场，所以今次同朋友一齐行街。碰巧遇到一间隐世西餐舖，见到价钱都几抵食，所以去试吓。总体来讲我地觉得环境坐得几舒服，坐耐啲都冇问题，嘢食抵食兼大份！南瓜汤南瓜汤入面有绵密既南瓜蓉 咸咸甜甜 隔离块蒜蓉多士脆得黎唔硬猪扒包抵食夹大件 包上面仲有加黑白芝麻提升香气 薯条食到最后仲系脆既 沙律菜配黑醋清新开胃。同朋友一人一半份量就啱啱好啦。牛脷配意粉平时食开嘅牛脷，好多时煮得唔好就会好难咬。但系呢一间整得好林又入味，配上佢哋嘅秘制酱汁好好味。而且份量都好多有成五六块，唯一美中不足嘅系意粉煮得有少少硬，如果再软身少少就好啦！焦糖咖啡嗌佢哋嘅lunch set可以加$15就可以升级做特饮。今次就嗌咗焦糖咖啡，咖啡味好香，上面嘅奶泡都打得几绵密，虽然系焦糖咖啡，但系饮落嘅甜度都啱啱好，饮咖啡最惊佢太甜。