在家居酒屋 (已結業)

星期五晚唔想喺屋企食饭，上OpenRice抄屋企附近食肆，睇到呢间居酒屋食评唔错，仲有牛肠锅食，所以就一于扑锤订位喇！我哋七点半准时到餐厅，好睬有订位，如果唔系可能真有排等。侍应安排我哋坐在墙边位，望住一排日本清酒，非常有居酒屋feel。阿仔一向钟意食日本餐，而我本来想食寿喜烧，但系睇到呢度有牛肠锅，所以就转咗軚，毕竟牛肠锅唔系度度食得到。老实讲，佢哋餐牌唔算丰富，阿仔就拣咗啲叫做唔系咁常见嘅嘢，当然亦有叫咗碗佢哋出名嘅旋风don。首先上嘅喺两只广岛蚝，坦白讲，无乜特别，但蚝肉都叫丰满，38蚊一只，一啲都唔平。跟住上嘅喺阿仔最钟意嘅鱿鱼筒。因为鱿鱼筒有酱汁，如果就咁食可能会有少少咸，好在同时又上埋鳗鱼饭，鱿鱼伴埋饭食即刻变成非常好味，有咬口。咁啱两个菜式都俾咗半粒酸柑，酸柑汁吊起味道，亦令到滑蛋鳗鱼饭变得更有层次感。之后阿仔又嗌咗安康鱼肝，平时一向食开猪、牛、鸡、鹅肝等，今次食鱼肝，都叫做特别，味道唔错。我哋一向大食，即然要食嘢就食够去。因为想食海胆，就要咗个吞拿鱼腩碎海胆卷。一碟有六件，味道不过不失，叫做食得过啦！最后上嘅喺我期待嘅牛肠锅。呢个锅应该系间餐厅嘅名菜，见到好多人都有嗌。