BRICK LANE (圍方)

营业中

休息中

大围呢间BRICK LANE 简约嘅设计，环境舒适。有传统英式料理又有各类西餐菜式，由主菜到甜品都非常出色。门口用咗英伦风做主题，好适合打卡影相。酥皮海鲜周打浓汤 卖相吸引，酥皮香口充满牛油香，汤馅丰富！用咗鱼肉、蚬肉、鱿鱼，鲜甜又浓郁！Truffle Mushroom Soup 黑松露奶油汤口感creamy，黑松露味道突出，劲大碗！两个人都够饮！蟹肉牛油果沙律拆散咗嘅蟹肉入口鲜甜有质感，牛油果够熟绵密，加入青瓜爽脆口感层次丰富。香煎海鲈鱼柳配番红花海蚬浓汁海鲈鱼大块厚肉，煎香表皮惹味，啖啖肉够饱满，鱼肉juicy ，底下铺咗大粒海蚬，鲜甜好味。烧烤猪肋骨配烧马铃薯好大份嘅猪肋骨烧得好入味，色泽吸引，用咗薯仔搭配。龙虾意粉番茄意粉汁浓郁，意粉挂汁，龙虾肉鲜甜有质感。green tea sensation绿茶慕斯入口即化，甜度还好，尤其喜欢佢中间用咗海绵蛋糕同芒果酱，层次分明。