富記大排檔

营业中

休息中

又到3点下午茶时间，不过无食lunch,个下午茶想食饱啲。大围龙亨冬菇亭就有茶记下午茶，一个常餐加个两𩠌面餐都只系$71，平到爆。茶餐厅都几大，有两边铺，所有枱，椅都系特别木，几靓，坐得舒服。常餐，面餐，一如其他茶记，好快出到货。肠仔煎得几好,唔㶶，好香口。 炒蛋就好似熟左啲，不过唔系高级餐厅，唔通讲几多成熟咩。至于个五香肉丁米线，五香肉丁份量非常多，食哂啲米线仲有剩。米线都唔会煮得太腍。至于朋友碗沙嗲牛面，牛肉好滑，份量一般。义烧太干身，味道偏啖。至于个面就真系失准，煮得太耐，太腍。其实我之前都喺到食过五香肉丁面，又系个面太过腍， 令我有一刻谂系味有人叫错左，呢碗面一直放喺到直到有人要><。杯热奶茶值得一赞，好香浓，好滑。砂糖唔系一鑵自己毕，系独立包装，够卫生。