616燒肉酒場 (已結業)

616已经久仰大名好一段时间，除打边炉外其实烧肉都好出色。以往钟意任食食量，依家决定对自己好啲，食质素。今次就叫咗个樱和牛飨宴，肉类多元，仲配搭数款野菜。黑毛和牛肉眼上盖店员推荐先食黑毛再食澳洲，肉味由淡至浓享受。第一款先整块肉眼，烧完都几厚身，肉汁不少，牛味相对淡啲，沾上玫瑰岩盐几夹，好原始嘅味道。黑毛和牛极上牛小排牛小排向来都系烧肉必食，油花十分丰富，入口即化，口感细腻，配搭点饭牛味更突出。黑毛和牛牛肋条整体好有惊喜，牛肋条上伴随嘅筋同脂肪令整个味道升华。食用时先原条烧，可以保留肉汁，两边金黄就可以再按个人喜好剪成条或粒装。每口肥美交杂，配搭唔同酱料食，一绝。黑毛和牛西冷180g分量十足，估唔到脂肪分布咁多同埋平均，咬落肉质软嫩细致。一大片放上炉，油脂好快就令表面烧得焦香，剪成条状或细块装享用，十分juicy。澳洲和横膈膜口感系咁多款肉中比较韧，虽然偏瘦但会越嚼越香，烧完都唔会变硬，牛味出众，沾烧汁好配搭。澳和牛腹肉入口即刻感受到一阵牛味，肉质相对无咁肥但味道十分浓郁。个人喜欢用店家独特调配嘅苹果汁加呢款肉，微甜下衬托风味更上一层。