劉興記生煎包專門店

营业中

休息中

今日放工同老公去大围揾野食，经过见到呢间刘兴记食生煎包，又有人排队，就入左去试下。舖头细细间，坐位系有少少窄，但感觉唔算迫，而且落单已经先进到有得用QR code！唔使叫侍应，好方便。🥢 鲜鸡汤小云吞 $30细细粒嘅云吞一口一个，配上浓郁嘅鸡汤，好鲜甜。$30一碗就有12只小云吞，抵食！🥢 生炸鸡扒汤面 $42鸡扒炸得外脆内软，唔会油腻，入面嘅鸡扒仲有肉汁，汤面都好大碗，面条唔会腍啤啤，软硬适中。🥢 迷你鸡丝酸辣汤+生煎包+ 豆浆$59酸辣汤偏酸唔太辣，各人有各人口味，呢个偏酸嘅酸辣汤非常适合我饮。招牌嘅生煎包真系每一口都爆汁，里面嘅肉份量都多，舖头仲写明唔爆汁会免费更换！！🥢 手工豆沙窝饼 $28以豆沙窝饼作为呢一餐嘅完结，细细嘅一件，外面炸得非常香脆，里面有满满嘅豆沙馅，唔会甜到腻，好吃！我地两个人食左$160，饱到捧住个肚走，睇黎今晚个晚饭可以唔洗食啦！如果揸车嚟嘅，一定要预留时间揾位，附近虽然有好多咪表位，但系都好full好多人！！不过为左个爆汁生煎包，都值得等嘅。