好湯好麵

营业中

休息中

大围尼间好汤好面闻名已久，但每次嚟都大排长龙，令人却步。难得今晚清闲，加上经过时人唔多，于是就决定排队食面喇。阿仔今次系第二次嚟，佢介绍我食好头好尾，可惜轮到我时已经卖晒，所以我就要咗碗海龙皇汤，阿仔嗌咗黑口黑面。老实讲，我碗海龙皇汤的汤底喺浓郁嘅，亦都好好饮，但系并唔系我在香港饮到最好嘅虾汤底，加上啲面碌得有少少唔够熟（真系有啲生硬，碌多20秒会好啲），所以整体上有少少失望。当然，食到后来啲面喺好咗，因为巳经熟透，但系第一印象巳经喺ruin 咗。碗海龙皇有只饱满生蚝、墨鱼滑、两只非常新鲜弹牙嘅大虾，餐厅仲俾埋手套方便剥虾壳, 非常为客人著想。阿仔碗黑口黑面因为有墨鱼汁，所以餐廰俾咗件「口水巾」，算系贴心。黑口黑面主要有鱿鱼及墨鱼，我试咗一羹汤, 味道好，但系唔系我杯茶，下次嚟都应该唔会嗌佢。因为系米芝莲餐厅，所以预咗系贵。虽然今日嘅经验唔系话太好，但系都会回头，继续试佢哋其他的汤面。