大圍小館

营业中

休息中

去开大围攞嘢，顺到去揾吓美食。呢间都几惊喜吓。 首先好想推介嘅系呢款炸鲜奶球，小时候的家族饭上都会叫的一个菜式，但我一般都不太愿意食，因为很多时都会有一阵奶骚味。太多年没吃过，所以现在都唔系到处有得食，所以就叫来试吓。都几有惊喜。鲜奶球咬落去口感不油腻，淡淡的甜味恰到好处，最紧要系无那个我不喜欢嘅奶骚味出现。但一定要快食，冻咗口感会无咁好食。而且呢个菜比较腻，见意多抓几个朋友一齐食咁就可以食多几个𩠌。 罗汉斋虽然好多地方有得食，但要好食亦不容易。南乳味同咸味不会过浓，恰到好处，亦无煮过龙，蔬菜仍然保持住翠缘，不用因为太咸而硬要配上白饭。 椒盐金菇，呢啲炸食，虽然比较热气，但出黎食就当然唔理得咁多，能够引出筷子不停夹嘅送，呢个𩠌一定做到！不算太咸，可以当薯条咁食。而且菇嘅香味仍然保留住！ 有机会过开去大围，不防试吓啦！清洁度亦高，现时疫情关系，佢哋每张枱都用大大片由顶落地嘅透明胶片分隔。用具及环境卫生亦都非常满意。