古朴年代咖啡．酒館 (已結業)

小弟好喜爱食英式早午餐，尤其钟意周围试吓当中嘅咖啡，但多数都系港岛区，小弟家住新界，出一出去都几和味。星期日，小弟同女友又嚟揾食，近近哋去大围有间都试咗一两次嘅小店医肚。今日早餐食多咗，所以食唔落All day breakfast，转阵食Egg Benedict.大大旧三文鱼，个蛋唔系话好香，但都唔错。其实Egg Benedict 都冇乜得输，但如果只蛋可以香啲就正喇饮佢个caramel macchiato。本身钟意raw D 冇糖，但要得caramel，冇理由唔要糖.... 叫佢少糖啦佢个latte art 系swan 嚟，几得意。个咖啡味唔系话好浓，但可以丫，caramel 味都系度。但个size 都几抵饮，好大杯。总结系，系大围可以食到英式嘢其实已经几好，好过次次都老连咁远出去食丫。