米子燒肉家

营业中

休息中

一行四人平日夜晚8:00后入座，叫左松set，劲多野食，职员服务劲好！时不时会问你洗唔洗换网，又会主动帮手收走无用既碟。唔好以为仼食就无靓野，宫崎A4和牛赤身，日本A4和牛肉眼，仲有美国黑毛和牛三角，劲好食！油花分布平均，末去到入口即化但都真系好好食！食肉食腻有得食下沙律，又可以食下菜同炸物。好惊喜既系佢仲有得烧肉格黎加个寿喜烧焗，仲要个寿喜烧一啲都唔hea ，唔会太甜，又可以食下菜，又可能渌下A4和牛。最开心系佢既海鲜，甲罗烧真系不得了，食得出唔系冻肉店cheap cheap甲罗烧，上面仲有蛋黄同蟹子，OMG！烧完热辣辣，再叫左个紫菜饭，佢系白饭小偷。烧生蚝都正，唔算劲大糖，但一啲都唔细，烧完落反小小柠檬，正！佢仲有得烧扇贝，烧蚬，鸡泡鱼干！烧尤鱼，鲍鱼！三文鱼，烧菠萝，杏包菇姨都都有！太多，不能尽录。甜品同饮品系出面自助仼拎，食完真系劲饱劲满足。总结:虽然佢唔系好平既仼食，但佢食物既质素对得住佢既价钱，仼饮饮品都唔系普通饮品，有椰子水，柚子有气水，啤酒果啲都系仼饮。食肉食到腻又食下沙律/菜，烧住海鲜再食下寿喜烧，成餐饭个口同对手都无停过🤪绝对有下次。