風車

营业中

休息中

喺大围踩完单车，顺便去附近睇吓有咩特色餐厅食翻个晚餐，最后去咗一间叫做”风车”嘅西班牙菜餐厅，医饱个肚仔！我哋两个人就叫咗一份西班牙脆皮乳猪、安格斯肉眼扒、龙虾汁炒大虾意粉同埋清酒煮蚬，份量岩岩好！西班牙脆皮乳猪呢份西班牙脆皮乳猪外层香脆唔油腻、肉质咬落好软嫩多汁，配埋甜酱食相当好味，嚟到呢度必食！安格斯肉眼扒牛扒我就叫咗七成熟，食落唔会好韧，配合埋薯蓉、沙律菜加黑椒汁食一流！龙虾汁炒大虾意粉呢个龙虾汁炒大虾意粉味道都唔错，大虾肉质弹牙，不过啲龙虾汁就有啲稀，如果浓啲就更加好味！清酒煮蚬而清酒煮蚬味道都OK，蚬嘅份量都OK多，有淡淡清酒味，配合新鲜味美嘅蚬肉一啖一啖放落口食，正到爆，海鲜迷必叫！