劉興記生煎包專門店

营业中

休息中

呢期最多人讲嘅生煎包，竟然开咗黎大围，所以今晚黎咗呢间试下。个人冇食过佢其他分店，亦都好耐冇食过生煎包，听大家赞到咁，都有啲期望。舖头写收9点，当晚8:30左右去到门口都仲有好多人排外卖同当食，见时间有啲赶，就问下店员仲有冇得排堂食，点知都仲有得排，大约等咗10分钟就有枱。店内嘅位好细好窄，完成系手贴手，脊背贴背脊咁坐，再加上所有碗碟同餐具都系用即弃嘅，所以系就系食完就走嘅感觉。我地两个人叫咗两个生煎包餐，散叫咗一只蟹黄生煎包，拌面，炸排骨同豆沙锅饼。生煎包其实普通，系即叫即煎，所以好热，咬落都真系爆汤，肉都大粒。仲讲明食到唔爆汁嘅生煎包可以同店员讲，换过一只比你。麻酱手撕鸡粉皮同葱油拌面都好食，但酸辣汤就比较水，觉得麻麻地。总括黎话都真系一间普通嘅生煎包店，如果真系要排队食就唔会排，同埋店内环境都唔系十分好坐。但价钱都真系抵食，尤其系佢啲餐全部都系一个主食连生煎包。如果冇人排，经过平平地考可以食下。