影片
更多
2022-09-10
71 浏览
同女朋友行开大围，佢话想食西餐锯扒😋，本身以为大围冇西餐，但竟然俾我上网揾到呢间风车餐厅，外表似酒吧但其实入面西餐都几出名，所以一于去试下先得。餐厅装修几有情调，啱晒男女朋友黎撑枱脚。💕纽西兰肉眼扒配焦糖菠萝 $209女朋友钟意食菠萝🍍，咁啱又想锯扒，谂都唔使谂就决定左叫呢款扒。肉眼扒肉味够浓，而且油脂丰富，口感软腍，食落去啖啖油香真系好正，而且配菜系菠萝有心思，酸甜嘅焦糖菠萝可以令油脂丰富嘅肉眼冇咁腻，每一啖都可以充分享受油花，呢个配搭几好。😆芝士大网菇黑松露意粉 $179意粉入口大大阵女朋友最钟意嘅石油气味，黑松露嘅香气充满口腔，上面大网菇超大一个，舖满拉丝嘅芝士，另外大网菇烧嘅火候啱啱好，一d都唔会干身，食落去超多汁，正！👍三色蕃茄多士 $99多士有parma ham🐷，烟三文鱼🐟，烧牛肉🐮三种风味，仲有碎洋葱同碎蕃茄整成嘅酱，parma ham咸香配脆卜卜嘅多士啱啱好，烟三文鱼份量好丰富，食落去好肥美，烧牛肉肉味几浓，同酸甜蕃茄酱几夹。Strawberry Colada $72🍓见到佢mocktail有strawberry colada，有菠萝汁又有士多啤梨，女朋友即刻想
纽西兰肉眼扒配焦糖菠萝 $209
女朋友钟意食菠萝🍍，咁啱又想锯扒，谂都唔使谂就决定左叫呢款扒。肉眼扒肉味够浓，而且油脂丰富，口感软腍，食落去啖啖油香真系好正，而且配菜系菠萝有心思，酸甜嘅焦糖菠萝可以令油脂丰富嘅肉眼冇咁腻，每一啖都可以充分享受油花，呢个配搭几好。😆
芝士大网菇黑松露意粉 $179
意粉入口大大阵女朋友最钟意嘅石油气味，黑松露嘅香气充满口腔，上面大网菇超大一个，舖满拉丝嘅芝士，另外大网菇烧嘅火候啱啱好，一d都唔会干身，食落去超多汁，正！👍
三色蕃茄多士 $99
多士有parma ham🐷，烟三文鱼🐟，烧牛肉🐮三种风味，仲有碎洋葱同碎蕃茄整成嘅酱，parma ham咸香配脆卜卜嘅多士啱啱好，烟三文鱼份量好丰富，食落去好肥美，烧牛肉肉味几浓，同酸甜蕃茄酱几夹。
Strawberry Colada $72🍓
见到佢mocktail有strawberry colada，有菠萝汁又有士多啤梨，女朋友即刻想试下，饮落好有椰奶香，而且粉红色好浪漫，用黎打卡一流。
Carlsberg啤酒 $48🍺
男仔当然要叫返杯啤酒啤啤佢，店员推荐呢只啤酒，入口好顺滑，非常清新，苦味唔算太重，几啱我呢d饮酒新手一尝。
估唔到大围都有间西餐咁出色，真系估唔到，之后有机会一定要再试下先得。
T-able指数： 4.1/5
张贴
