風車

营业中

休息中

今日同朋友喺沙田踩完单车，嚟到朋友介绍嘅西班牙餐厅 - 风车。餐厅嘅布置充满格调，中间有一盏宫庭水晶灯，而且座位宽阔舒适，啱晒同三五知己过嚟食嘢倾偈。首先出场嘅系意式田园沙律配烟熏鸭胸，烟熏嘅鸭胸肉质嫩滑，配上新鲜嘅沙律菜，虽然配搭简单，但系味道清新，口感层次多样。之后到今晚嘅主菜波士顿龙虾意大利粉，龙虾嘅肉质弹牙配搭蘑菇、洋葱同埋芦笋等嘅食材，加上烟韧嘅意粉，味道鲜味浓郁。跟住出场嘅仲有西班牙脆皮乳猪配彩椒汁，乳猪皮脆肉滑，同平时食嘅炉烧乳猪完全唔同。脆皮乳猪既皮又脆又薄，而脆皮下软软嘅乳猪肉，口感丰富。碟上仲配有乳猪酱同彩椒汁，可以一次过试晒两种唔同嘅味道，加埋伴碟嘅薯仔，好好味呀！另外，我哋仲叫咗玫瑰咖啡 ，淡淡嘅玫瑰花香同咖啡嘅味道，为晚餐画上完美嘅句号。