風車

营业中

休息中

见到呢间西餐厅有好多好评，今日一于同朋友嚟试吓！餐厅环境嘅舒适，而暗色同埋橙色为主题，被人感觉高级，当然食物都有返相当水准，冇令到我哋失望！我哋叫咗一份安格斯肉眼扒（五成熟），同埋加拿大谷饲猪鞍扒，两份都系二百零蚊，但系份量都比我想像中大，而且配埋沙律菜同埋薯条，食落都几饱肚，都几抵食。肉眼扒嘅熟度啱啱好，内层肉呈鲜红色，入口嫩滑多汁，牛肉味好出，调味都啱啱好，如果食开重口味少少嘅仲可以自己加海盐或者胡椒，而猪扒食落都几有惊喜，估唔到佢食落系咁滑同埋多汁，仲要系厚切嘅，我个人觉得猪扒仲好食过牛扒，都几推荐大家试吓！沙律菜食落都系新鲜嘅，几爽口，薯条都系新鲜即炸热辣辣脆卜卜！下次再经开大围，我谂都会再嚟呢间西餐厅食！