睿和牛燒肉 (已結業)

大坑餐厅愈开愈多，普遍以居酒屋同烧肉为主。之前赶得到停晚市前嚟到 「睿和牛烧肉」，个人认为烧肉都系夜晚食会特别好味，如果唔系全身烧肉味周围走！而临近晚市重开系时间出下 post 介绍吓😅 私稳度算高，转角位唔算太难揾，因为同姐妹店「睿居酒屋」相连，点烧肉时如果啱心水亦都可以点埋寿司同和食等。➽ 前菜 - 点咗 鳕鱼鱼干 、渍枝豆，加多个冻日本高糖蕃茄配柚子汁，皆为佐酒小食，非常开胃，配返杯冰冻 Sake 真系人生一大乐事。➽ 再嚟 军舰 & 寿司三贯盛合: 刺身有 牡丹虾、带子、海胆；寿司有 三文鱼籽、中拖罗蓉、蟹膏蟹肉，整体都算几好食 😋，食材系新鲜嘅，中拖罗蓉脂肪高，鱼油脂特别甘香，系系列当中个人比较喜欢之一！➽ 到烧肉环节， 一个精选和牛黑豚肉盛合可以解决我嘅选择困难症，嚟自鹿儿岛嘅和牛，色泽偏红润，肉质几鲜嫰。脂肪分布平均就基本野，当然散叫有散叫嘅满足，而盛合好处系一次过可以食几个唔同位置，有和牛三角嫩肉 // 和牛嫩肋眼上盖 // 和牛牛排肉 // 黑豚上五花腩 // 黑豚肉眼 // 厚切牛舌。和牛牛脂咁丰富，用嚟佐饭真系唔错，仲会减少油腻感👍🏻！