New York Club

营业中

休息中

因为工作嘅关系我去咗天后，地点大概喺皇仁书院附近，于是问咗以前读皇仁嘅朋友有冇咩好介绍，佢介绍咗三四间，其中一间就系呢间小店。小店位置比较唔显眼，装修亦相当唔显眼，比起附近啲扒房同café有少少逊色，不过好有家庭式经营嘅感觉。我同同事分别嗌咗个猪颈肉炒饭同埋虾膏炒饭，猪颈肉炒饭落咗甜豉油，加埋啲蕃茄食落好有泰式风味，同事嗌嘅虾膏炒饭味道好浓郁，下次我应该会要佢𠮶碟。食完仲觉得肚饿所以加多咗个水饺，佢哋啲水饺全部系自家包嘅，皮薄料多，食落好满足。另外无意中听到老板娘同其他食客嘅对话，应该系熟客，见佢哋有讲有笑，喺度讲好多年前嘅事，感觉几有人情味，呢间小店绝对可以encore。