順興茶餐廳

营业中

休息中

大坑以前系本土地踎茶档食店聚脚地，近年开始行文青风。喺欧陆all day breakfast cafe同grill bar之间，仍然有一间茶记大排长龙。顺兴地方唔大，但系唔需要排好耐。伙记紧守香港茶记特色，一坐低就等你落单，转头就上菜。黎到顺兴，梗系食招牌滑蛋叉烧饭。蛋非常嫩滑，每一啖都有蛋汁，少少甜味加上葱粒盖过咗我讨厌嘅蛋腥味。滑蛋份量十足，每一啖饭都可以配蛋（但系份量太大，一个女仔一定食唔晒）。叉烧反而冇咩特别，偏干又比较瘦。我钟意佢豉油另上，对我呢种口味比较淡嘅人好体贴。