影片
更多
2020-10-24
2180 浏览
💐猪妹的大日子即将来临，熊妹一早攞咗假同猫妹，宾佬去到大坑的《2nd Draft》食个生日饭庆祝一番。🎉📌《2nd Draft》系一间主打手工啤酒的中西混合菜餐厅，手工啤酒🍺有好多款，有清新爽口味、重麦味、重啤酒花香味等等，花多眼乱拣唔到？店员话仲可以试味添。📌食物款式都唔少有前菜🧆、小食🥡、主菜🍖、意粉🍝同三文治🥪，主打的系中式同西式嘅混合，所以每款菜式都比较独特，系非传统嘅烹调方法。手工啤酒（中），$67猫妹拣的系Si L Dan，熊妹就拣左KUPZZY，都系重花味嘅手工啤酒🍻，花果味几重，好易入口，少咗啤酒嘅苦涩味，很不错喔！大坑薯条，$78📌宾佬一早嚟到，点左个大坑薯条咬住先。呢款大坑薯条🍟系幼身嘅，炸得好脆口，又有冧身的，成碟薯条都铺满孜然粉🧂，味道好特别好可口，比起普通就咁洒上盐粉再点茄汁嘅传统薯条系别有一番风味，系要入到黎大坑先有得食，被冠上「大坑薯条」的称号真系实至名归，唔错！炸鸡块，$128📌熊妹想点多款小食，见到呢个炸鸡块系配上南乳酱，感觉好似好吸引。哗！一份都有7、8件，鸡块🐥炸得金黄酥脆，外皮炸粉好少，内里嘅鸡肉好嫩滑，完全锁住肉汁同油脂，一啖咬落去又唔会觉得好
💐猪妹的大日子即将来临，熊妹一早攞咗假同猫妹，宾佬去到大坑的《2nd Draft》食个生日饭庆祝一番。🎉
📌《2nd Draft》系一间主打手工啤酒的中西混合菜餐厅，手工啤酒🍺有好多款，有清新爽口味、重麦味、重啤酒花香味等等，花多眼乱拣唔到？店员话仲可以试味添。
📌食物款式都唔少有前菜🧆、小食🥡、主菜🍖、意粉🍝同三文治🥪，主打的系中式同西式嘅混合，所以每款菜式都比较独特，系非传统嘅烹调方法。
手工啤酒
$67
151 浏览
0 赞好
0 留言
猫妹拣的系Si L Dan，熊妹就拣左KUPZZY，都系重花味嘅手工啤酒🍻，花果味几重，好易入口，少咗啤酒嘅苦涩味，很不错喔！
大坑薯条
$78
54 浏览
0 赞好
0 留言
📌宾佬一早嚟到，点左个大坑薯条咬住先。
呢款大坑薯条🍟系幼身嘅，炸得好脆口，又有冧身的，成碟薯条都铺满孜然粉🧂，味道好特别好可口，比起普通就咁洒上盐粉再点茄汁嘅传统薯条系别有一番风味，系要入到黎大坑先有得食，被冠上「大坑薯条」的称号真系实至名归，唔错！
炸鸡块
$128
75 浏览
0 赞好
0 留言
📌熊妹想点多款小食，见到呢个炸鸡块系配上南乳酱，感觉好似好吸引。
哗！一份都有7、8件，鸡块🐥炸得金黄酥脆，外皮炸粉好少，内里嘅鸡肉好嫩滑，完全锁住肉汁同油脂，一啖咬落去又唔会觉得好油腻。
点上南乳酱，令到西式嘅鸡块有中式嘅味道，非常特别。
赛螃蟹面
$298
103 浏览
0 赞好
0 留言
📌小心！有一只花蟹🦀盯着你看！
用上上海粗面，再捞上牛油酱同蛋黄同一堆手拆花蟹肉丝，仲淋上少少黑醋，系以中式嘅粗面用西式嘅方法烹调，呢款又中又西嘅食法系好特别，不过熊妹唔太懂得欣赏，因为上海粗面用捞汁嘅方法嚟食感觉有点奇怪，始终唔系意粉𠮶种有咬口的质感就会超出左对食物嘅预期，做中西混合菜其实要比较小心，味道同口感唔夹嘅话就会出事。
封门柳
$248
51 浏览
0 赞好
0 留言
呢款美国牛柳真系不得了，外皮煎到脆脆嘅，内里牛肉3成半生熟，超级粉嫩软腍，带点点血水，就咁食已经好有牛味🐮，旁边的酸椰菜又可以清新一下口腔味蕾，三爬两夹，好快就清光了成碟牛。
腐乳卡邦尼
$138
47 浏览
0 赞好
0 留言
又一新颖的中西混合菜，中式嘅腐乳酱代替原本嘅芝士忌廉汁，配合西式的卡邦尼意粉做法，保留着西式卡邦尼嘅温泉蛋🥚、烟肉粒🥓同洋葱粒🧅，腐乳酱味道唔算太浓，同意粉配料都好夹，所以呢款混合菜系成功嘅！👏🏻
📌总括黎讲，系一间环境气氛都好轻松的餐厅，有酒，有小食，有空间，系值得放工放假来chill下休闲一下的地方。📌最后，猪妹，生日快乐🎊！
张贴
