睿居酒屋 (已結業)

同事升职而我知佢钟意食日本嘢 所以就同佢嚟咗呢间居酒屋到庆祝喇 冻日本高糖蕃茄🍅配柚子汁 蕃茄好鲜甜 再加埋微酸嘅柚子汁作为一个醒胃嘅前菜非常好 海鲷薄切🐟黎到日本居酒屋当然要拣刺身食啦今日就拣咗呢一款海鲷薄切 鲷鱼肉质扎实有弹性 味道清甜 加上柚子汁配葱花 再带出鱼嘅鲜味 另外点左wasabi酱油渍 又系另一种风味 四款刺身：吞拿鱼 深海池鱼 银鳕鱼 带子相反呢四款刺身都系厚切嘅 食落更有口感同埋好鲜甜😋 我系第一次食银鳕鱼刺身㗎咋火炙三贯：吞拿鱼腩 和牛 左口鱼边🍣重口味系我至爱😆 呢三款寿司相对上油脂比较重 火炙更加可以带出佢嘅油香😌 好满足 串烧🍢芝士免治鸡肉棒 免治鸡肉入边加左啲鸡软骨碎 面头又有一浸溶左嘅芝士 再点埋蛋黄酱 多重层次同味道嘅享受呀😚 和牛粒🐂先试原味 一啖咬落去 口腔充满油香😋 再点埋鲜蛋黄酱包住整粒和牛 正呀！ 清酒煮蚬最后以清酒煮蚬作结 就最适合不过啦 淡淡嘅清酒味再加鲜甜嘅大蚬 食返啲暖嘅嘢落肚 成个人都舒服晒 今晚呢一餐真系好满足呀！😀