Porkcentric (已改名) 查看

最喜欢假日到餐厅食brunch，感觉特别chill！今次来到大坑嘅 Porkcentric，环境好舒服空间感几强。天花位置挂著精酿啤酒酒桶，非常特别，见到即刻想饮返杯啤酒！先点咗个风干火腿，用来配啤酒都好正火腿油香十足，特别系当中有一款系鹿肉，第一次食风干鹿肉，又几好味，可以试下！波兰饺子虽然外表比较平平无奇，入面其实系芝士马铃薯洋葱，以牛油烹制后配上酸忌廉，质地都几细滑！主菜叫左匈牙利曼加利察猪风干火腿配海胆炒蛋法式奶油多士，卖相相当吸睛，好澎湃！用手拎住嚟食更加正！