睿日本料理 (已結業)

由于住新界区嘅关系，对大坑呢个地方唔系经常到时，多数都系睇到有人介绍有好嘢食先会去。之前有睇过人介绍呢度有间日本料理唔错，记录在案，今日过开海就顺便过嚟试吓。位于安庶庇街嘅睿日本料理，由铜锣湾道入嘅话就行到近尾，因为附近有几间店名一样，不过食唔同嘅嘢，有居酒屋及烧肉，呢间系食料理，包括刺身、寿司、天妇罗、定食同埋锅物。我哋下午嚟到，可以食午餐，选择都几多，有十几款，我地点左特上寿司定食同埋和牛丼。前菜和牛上台时有好香嘅烧牛味，大约有八左右，仲有一只温泉蛋，啲蛋黄流入饭里面食，饭嘅口感同味道顿时倍增。和牛带小小肥脂，烧完之后嘅油香渗出更好食。饭量唔算好多，一个人食刚刚好仲跟有一碗大蚬海带面豉汤好有诚意寿司定食有十贯，有我喜爱嘅海胆、吞拿鱼茸、烧左口边，黑䲞、真鲷同赤贝等。海胆好鲜甜完全冇腥味，吞拿鱼茸够香滑，口感十足，仲有赤贝新鲜爽口，火炙嘅左口边同埋黑䲞都好香同鱼油四溢仲配埋一碗汤乌冬暖下个胃，乌冬够滑，雪雪声就食晒，正。最后仲有时令生果添，定食每位二百蚊左右，以咁嘅价钱同质素，算几抵食，下次嚟开又可以再帮衬。