睿居酒屋 (已結業)

今晚同朋友饭聚, 拣左人流无咁多, 环境清优又可以叹好野食嘅大坑, 由天后港铁站行左一阵, 见到有间居酒屋, 装修得好有日本FEEL, 而家重未有得去日本, 咁就一于入去怀缅下。餐厅大约可坐到4-5张枱， 啱哂我地可以慢慢倾下计, 把酒谈心。枝豆枝豆有浸泡过， 入哂味, 非常好味。火灸安格斯牛肉沙律份量好多, 又大块嘅安格斯牛, 厨师用火轻轻灸过， 肉味香浓， 配上带有酸味嘅沙律醋, 好开胃。店员推荐， 时令刺身， 有秋刀鱼， 安康鱼肝，呢排系秋刀鱼造时间，时令食物一定要食. 秋刀鱼有油润鲜甜鱼, 肉质鲜嫩。 安康鱼肝， 食落似鹅肝， 但更加鲜甜, 有绵密细腻口感、入口即溶。牡丹虾刺身, 香甜弹牙, 虾肉爽口. 白鳝串烧, 白鳝肥大肉厚, 超多鱼油. 外皮烧得香脆.厚切牛舌串烧, 弹牙, 香口.牛肋骨串烧, 呢个串烧绝对推荐, 好香牛肉味, 入口油份十足, 好香口.西京烧银雪鱼， 鱼肉又白又滑， 入口鱼油充满口腔， 外皮煎得香脆。