拉麵來 (已結業)

今次去咗大坑食午餐，餐厅以食日式拉面为主，装潢以昭和复古风格，午市时段设有午餐，午餐包括有拉面、小食同饮品，仲可以选择面质、汤味道、蒜同葱，真系好贴心。熊本黑蒜油豚骨拉面猪骨汤底配上黑蒜油同一大堆炸蒜粒，真系好惹味！另外仲有拉面唔少得嘅日式叉烧，入口肉质软腍，拉面面质拣咗普通，口感烟韧弹牙，挂汤能力不错，每一啖都满满黑蒜味。香浓鸡白汤拉面汤底呈奶白色，用上大量鲜鸡熬制而成，汤头浓而不腻，配上一粒骨胶原啫喱，令味道更浓郁。日本溏心鸡蛋 另加$12配咗日本溏心鸡蛋，蛋黄入口软绵，味道甜甜地，充满蛋香。日式饺子饺子煎到好香脆，馅料有椰菜猪肉，入口软嫩多汁。香煎虾饼入口爽口弹牙，里面有粒粒虾肉，入口鲜味满满。绿茶可乐/山葵姜味汽水樽装饮品要另加$20，绿茶可乐系淡淡可乐味，加咗绿茶反而唔会好甜，几好饮。而山葵姜味汽水，姜味都几重，山葵味唔算好出，都几特别。