月居酒屋

营业中

休息中

朋友揸开车，谂住去食饭，于是决定揸车去大坑睇吓有咩好食。喺附近揾车位泊车见到有间月居酒屋门面唔错，于是入去试吓。入到去餐厅就送上汁煮枝豆，平时都要另外叫，呢个系送俾我哋食，非常有诚意。叫咗唔同野食试吓，前菜方面我哋叫咗日本高糖度蕃茄，盐焗银杏，烤鳕鱼干及真鲷配Wasabi渍物。蕃茄好似生果咁甜非常开胃，盐焗银杏软糯， 咸香十足， 非常送酒，另外真鲷配上Wasabi渍物，口味清香鲜甜。另外亦试咗寿司拼盘10贯，火炙寿司3贯及叶血引和带子刺身。叶血引平时好少日本餐厅有入货，新鲜质感爽口弹牙，好香鱼味。寿司拼盘用上日本海鲜「左口鱼 鲷鱼 牡丹虾 赤贝 大拖罗 中拖罗 赤身 沙甸鱼 梳子鱼 日本海胆」食材高级，鲜甜无比。 火炙寿司亦有日本和牛左口鱼边及大拖罗，油香满满，十分推荐。另外亦试咗几款烧物煮物，包括烧牛肋肉，盐烧白鳝，月见鸡肉棒，烧鸡翼，姜汁煮广岛蚝。师傅串烧功力十足，外皮香脆唔会过火，将肉汁锁死。最后仲叫咗个天妇罗杂锦拼盘，份量十足，炸衣唔会过厚。餐厅非常适合三五知己坐埋一齐摸住酒杯底倾偈食饭，大家去开大坑千祈唔好错过。