影片
更多
2020-08-05
585 浏览
今次食嘅系我最钟意嘅意大利菜，无论系芝士、浓郁的酱汁都系我钟意食嘅原因。呢间位于大坑嘅餐厅唔算大，目测最多坐20多人到，平时我估都要排队，趁着而家有机会可以去食下。因为同一大班朋友食，所以有机会试到好多唔同嘅菜，由于叫得太多样，所以攞几款觉得特别好食嘅来讲。Beef Carpapaccio 冻食嘅薄薄生牛肉片连埋上面啲沙律菜、碎芝士同蘑菇，感觉清新，算系唔错嘅开胃小菜。Sautted Clams 炒蛤蜊加上白酒汁再配两块面包，新鲜蛤蜊嘅鲜配合白酒汁令味道更加鲜甜，面包可以沾汁食，其实个汁就咁饮都好正，侍应收返嘅时候连汁都冇剩。Roman Meatballs 应该算我食过头几名最正嘅肉丸，亦都系佢呢度出名菜式之一，首先肉丸煮得恰到好处一啲都唔会干争争，加上芝士同埋浓郁嘅蕃茄酱，正到不得了😱 不过佢另外有一个系肉丸配意粉就唔好叫啦，肉丸一模一样但系加上意粉就俾佢吸，令到肉丸晒好似冇乜汁咁，肉丸系要一大啖汁一齐食先好食㗎嘛⋯⋯Parmesan Fries 薯条就冇乜特别，上面加上刨咗嘅芝士，食之前等芝士溶化会更好食，可用作其他菜式嘅薯菜。Mushroom Risotto 系一个斋嘅意大利饭，
因为同一大班朋友食，所以有机会试到好多唔同嘅菜，由于叫得太多样，所以攞几款觉得特别好食嘅来讲。
Beef Carpapaccio
冻食嘅薄薄生牛肉片连埋上面啲沙律菜、碎芝士同蘑菇，感觉清新，算系唔错嘅开胃小菜。
Sautted Clams
炒蛤蜊加上白酒汁再配两块面包，新鲜蛤蜊嘅鲜配合白酒汁令味道更加鲜甜，面包可以沾汁食，其实个汁就咁饮都好正，侍应收返嘅时候连汁都冇剩。
Roman Meatballs 应该算我食过头几名最正嘅肉丸，亦都系佢呢度出名菜式之一，首先肉丸煮得恰到好处一啲都唔会干争争，加上芝士同埋浓郁嘅蕃茄酱，正到不得了😱 不过佢另外有一个系肉丸配意粉就唔好叫啦，肉丸一模一样但系加上意粉就俾佢吸，令到肉丸晒好似冇乜汁咁，肉丸系要一大啖汁一齐食先好食㗎嘛⋯⋯
Parmesan Fries
薯条就冇乜特别，上面加上刨咗嘅芝士，食之前等芝士溶化会更好食，可用作其他菜式嘅薯菜。
Mushroom Risotto
系一个斋嘅意大利饭，芝士味好香，充满水份嘅蘑菇令到成个意大利饭冇咁漏，值得一试。
Roasted sucking pig
猪肉超级淋身，基本上唔使用牙咬都可以分开，配合底下嘅薯蓉，实在太好食啦😱
其实大部份嘅嘢都好好食，不过就比较细啲，人多嘅话唔叫多一碟就可能一人只系得一啖。另外有试两款意粉，不过就一般般，所以如果本着食好嘢嘅心态可以忽略。
Ask For Alonzo (大坑)
大坑莲花宫西街11号地舖
张贴
