泰味屋

营业中

休息中

星期日，想揾好嘢食吓，便想到去大坑，提议食意大利菜，去到点知话订晒位，已经7时多，店内客人不足一半，店舖很少，约不到20多个座位，可能都是豪客吧！否则如何经营，唔怪得次次去大坑，啲舖头成日都唔同啦！于是唯有向天后地铁站方向行，最后入咗一间泰菜馆。间舖内外都很旧，本有些犹疑，但见有很多人在吃饭，又很肚饿，便即管一试。叫咗什锦拼盆、椰菜苗炒咸鱼、海南鸡饭、青咖喱猪肉、蒜蓉饱和青柠梳打。先嚟什锦拼盆有虾饼、鱼饼、春卷，其中虾饼弹牙最正。接著再上椰菜苗炒咸鱼、海南鸡饭、青咖喱猪肉，菜上得都很快。首推椰菜苗炒咸鱼，大碟外椰菜苗炒得爽脆，能吃出菜苗本身的甜味，我唔多食菜嘅人都食唔停口，好味！青咖喱猪肉唔太辣，青咖喱汁配蒜蓉饱吃，一客5件的蒜蓉饱转眼间一扫而空。但你不要忽略浸在青咖喱汁中豆角，味道比主角猪肉还要突出呢！至于海南鸡饭，鸡肉嫩，份量足，而鸡油饭就普普通通，饭较干。吃完咁多嘢，来杯青柠梳打消解浓郁的泰菜味，是个不错的选择。𩠌菜的价钱不贵，约$60-70一碟，3个人都吃得颇满足。