睿居酒屋 (已結業)

以前年年都会去日本，宜家都开放左准备可以去日本玩喇，未出发之前揾返啲正既日本菜食，今次黎到呢间睿居酒屋，虽然唔系住大坑，但都特登过黎食。佢装修好别致，深入咗好多日本文化嘅元素，餐厅外面都系用木搭建，真系好有日本风味，而且佢话位于住宅入面，附近都好宁静。我哋今晚点咗好多唔同小食，前菜有辣味螺，系冻食，好适合送酒。日本菜点少得刺身，推荐牡丹虾，非常大只，虾肉饱满，虾头仲有好甜既膏，非常鲜味。另外仲推荐银雪鱼，个皮煎得好脆，啲肉入口即化。