火車頭越南餐室 (浣紗街)

营业中

休息中

今日去大坑试咗一间越南餐厅，平时太过见环境好有特色，怀旧装修，好有越南气息，所以今日就嚟试下。首先试嘅系蔗虾。虾嘅部分好好肉地，炸到香口，仲带啲蔗甜味，好特别。香草蒜蓉包都好好味，烘到好脆，蒜蓉香味浓郁。如果你食得辣，一定要试下佢哋嘅马拉盏炒通菜。通菜好新鲜，炒得恰到好处，小辣又惹味。主菜拣咗佢哋嘅香茅胡椒大蚬炒粉丝，卖相好吸引，够多蚬，仲有扎肉、青椒、黄椒、红椒、西芹同洋葱，粉丝炒得好入味，香茅同胡椒味道都好浓郁，食得好过瘾。食咗咁多辣嘢，我哋觉得唔够喉追加咗酸辣去骨凤爪，凉凉地顺便降下温。凤爪酸酸地好开胃，而且去咗骨，方便又好食。