睿和牛燒肉 (已結業)

大坑一向都有好多唔同种类既餐厅，之前朋友试过睿居酒屋觉得唔错，所以今次试埋隔离间和牛烧肉，餐厅位于横街入面，好有日本隐世居酒屋既感觉。烧肉店坐位唔多，有4张枱，如果黎食都系book 定稳阵啲。前菜- 支豆 $28支豆用酱油煮过，好入味，食既时候好易将壳豆分离。鳕鱼鱼干 $68鱼干烤到好香脆，系好好既佐酒小食。冰头甘醋渍 $78侍应介绍系三文鱼头软骨既时候都觉得好新奇，估唔到食落又几好食，口感有啲似蒟蒻，比较有咬口，配埋香橙同醋调味，酸酸甜甜，好开胃！深海池鱼薄切 $268每块池鱼厚薄均匀，睇得出师傅既刀工，口感比较爽口，配左香葱柚子酱汁同wasabi 酱，店员推介自家制既柚子酱汁，酸酸地，好清新。杂锦寿司盘（10贯）$588由于同居酒屋相连，所以系烧肉店都可以食到寿司，而且都几高质。赤贝鲜甜爽口，带子大大粒好厚身，大拖罗色泽粉嫩，完全无根，入口即溶，鱼脂香浓。赤身肉质比较实在，无油脂，鱼味比较浓。鲭鱼系冬季既时令刺身，当造既鲭鱼鱼脂丰富，肉质细嫩，相当肥美。甜虾肉质鲜甜， 油甘鱼、深海池鱼同鲷鱼都系白身鱼，味道较淡，建议先食，个人比喜欢深海池鱼，肉质爽口略带点鱼油香。海胆反而较为一般。