睿居酒屋 (已結業)

我就本身好少去港岛区揾食嘅，不过因为最近工作嘅关系好多时都系港岛区𠮶度收工。大坑呢个名对我嚟讲真系好陌生，印像中我系好似嚟过一两次咁样，难得去开呢边，同事就介绍咗大坑有间居酒屋都几出名同好食既。一去到真系有惊喜㖞。讲咗食物先，我哋今日叫咗都唔少嘅嘢食，有串烧，烧物，刺身同寿司等等。前菜，鳕鱼干脆脆地，配沙律酱，原来都几夹。实在系丰富嘅一餐，感觉就好似厨师发板咁。我觉得厨师系即叫即整嘅，因为我食落嘅刺身，寿司或者系烧物串烧都系好新鲜，刺身就好鲜甜，烧物同串烧就好热辣辣同香口，味道唔太浓，唔太淡，刚刚好。而且餐厅叫座位都坐得好舒服，前庭门口有石春路，庭院自然的感觉，门面都几有心思。同日本嘅居酒屋感觉一样，真系几啱同朋友收工之后，喺度食住串烧寿司刺身同埋饮住啤酒，倾下偈，放松下平时工作嘅压力。