Second Draft (已搬遷) 新店位置

今日咁啱要去跑马地做嘢，收咗工就谂住去大坑揾嘢食，睇完依间个餐牌几得意之后就入去食啦。呢间野好多手工啤酒选择，跟住仲有好多特色小食主菜，因为我哋冇咩胃口所以嗌咗唔多嘢食。我哋嗌左个凉拌鸡肾，呢个冻食前菜唔错，佢有啲柚子味，蒜香味，用嚟送啤酒都唔错。之后我哋嗌左个熏牛治，咁佢用咗黑麦酸种饱，酸菜姜汁芝士。呢个我觉得几好食，佢各样野都好平衡，熏牛亦都有好多，虽然熏牛佢比较干身，但系因为酸菜啊各样野令到佢唔会太dry。嘢饮方面我就嗌左杯少爷啤，因为𠮶日比较热饮完杯咁爽嘅啤酒真系想叫多一杯，佢爽得来啤酒花味都几重。如果去开大坑又想试啲创意食物，可以试一试依间。