A8's Cafe (已結業)

今日同老公去大埔探朋友，探完朋友之后去咗大埔安乐楼的A8’s Cafe 食晚餐，见到门口的餐牌好吸引，所以就入去试一试😋我和老公见到餐厅嘅晚市套餐好抵食，所以我哋决定叫晚市套餐，我哋叫咗香蒜蜜糖烧猪仔骨配羊架和炭烧纽西兰顶级肉眼扒配香煎大头虾🦐仲有英式炸鱼南瓜烩饭😻首先嚟咗个餐汤罗宋汤，好香浓蕃茄味🍅🍅都几好饮👍🏻头盘我拣咗芝士烤大啡菇🍄好多芝士🧀都几好味👍🏻另一个头盘拣咗烟鸭胸田园沙津🥗烟鸭胸煎香咗，但沙津菜得好少。主菜我拣咗炭烧纽西兰顶级肉眼朳(6oz)配香煎大头虾🦐大头虾好大只🦐都几新鲜又弹牙，牛扒比较薄，如果细块啲厚身啲会更加好食，但都算有牛味，薯角外脆内软超正👍🏻另一个主菜我叫咗香蒜蜜糖烧猪仔骨配香草烤羊架，羊架啲肉好嫩滑多汁，猪仔骨都好淋好Juice，非常好食😋我哋见到餐牌张相好吸引，所以叫咗英式炸鱼南瓜烩饭，卖相相当靓，吉列鱼柳都好大块，超级脆，啲饭系用珍珠米，每粒饭都被南瓜汁包住，真系好好食😋落单嘅时候问餐厅职员甜品系咩，职员话系提拉米苏蛋糕，我满心欢喜和超级期待我嘅提拉米苏蛋糕，点知嚟咗呢个，职员话提拉米苏蛋糕卖晒，但我食完甜品后，见到个职员送紧提拉米苏蛋糕去后面张枱