八號餐廳

营业中

休息中

久唔久都会嚟呢一间8号餐厅食个早餐，今日既然冇车出大埔返唔到工就更加要嚟食。同屋企人一人叫咗一个早餐，当然唔少得就系有自助水吧嘅热茶饮啦。饮完自助水吧嘅茶之后早餐就差唔多到啦，同平时一样杯奶茶真系劲大杯，自己落糖唔怕太甜。茶底有够浓有够香。屋企人叫嘅庵列呢好大份，仲可以拣唔要多士，要菜底，沙律菜啱啱好唔会肥。另外呢个鸡扒就都好好食，慢火煎好够淋，调味啱啱好唔会话太咸。嚟得呢度食嘅大家都知规矩，如果唔太多人嘅早上，可以喺书架攞本书，一路睇一路饮茶水吧嘅果汁，hea够一个上昼都系三十几蚊，真系大埔嘅福地。