麻痺英

营业中

休息中

大埔出名食鸡煲，其中仁兴街呢间性价比非常高，任食鸡煲每位只系$168。7 点左右到达，已经坐满了人，如果唔想等位最好六点多到。呢度除咗食麻辣鸡煲外，其实仲有其他选择，沙嗲鸡煲，海鲜鸡煲亦非常吸引。另外仲有羊腩煲，酸菜鱼等等。如果唔食得辣嘅可以试吓葱香鸡煲。食完鸡煲，仲有任食火锅，食物选择都有很多。我哋今次就试咗招牌麻辣鸡煲，叫左少辣，鸡煲上枱前已经炒香到半熟，配上大量洋葱和芫荽，非常香口，上枱时再炒多阵就可以食。鸡件炒得非常入味，辣辣地好惹味，有唔少鸡髀位，又滑又多肉。食完鸡煲后就食火锅，我哋加左个例牌安格斯牛$88，牛肉味非常香浓，加上半肥瘦脂肪，味道和质感都相当唔错。另外点了响铃$58，新鲜炸起嘅响铃热辣辣，既松脆又香口，烫2-3秒，可以保留脆口，再配上甜酸酱食超好食。另外仲有任点任食炸鱼皮，又系炸得又香又脆！蔬菜豆腐亦非常新鲜，仲有最爱嘅厚切午餐肉，流心芝士丸都正！多款饮品亦系任饮，味道和质素都唔错，总括性价比非常高。