麻痺英

营业中

休息中

有誠意的香港小店！進鋪已經有濃濃香味。坐位很少又窄但坐滿！肥d都入不到坐果款。感覺像家庭式夫妻2人+2隻貓經營的雞煲店。店鋪雖小但雞煲味道好香，任食材料都抵食。聽食客講開左好多年除了基本麻痺雞煲（麻辣）還有魚煲、羊腩煲和椰子雞煲我們選了有湯飲的藥膳醉雞煲有蟲草花，紅棗，龍眼肉，杞子，黨蔘……湯有酒香198元位任食任飲，如果想喝啤酒加18飲任 ，相當超值！另外我們選了人氣即炸響鈴完全像自家制，不像市面見到，像一片腐皮自家卷起再炸。因為腐皮特別薄的，鬆脆口感配上泰式甜酸醬，一個接一個停不到口！火鍋材料很新鮮豬潤特別爽滑不老，有追加好正。雞子好大粒好開心鯇魚骨比較細件鮮淮山片、雞蛋、頁丸、午餐肉、肥牛、尤魚、炸魚皮……應有盡有。食物種類地道火鍋配料，不得不讚藥膳雞湯好甜，雞又滑所以很滿足。如果不滿足還可以另外可以加錢選高級的：手切牛頸脊、生蠔、鮮帶子……有趣時刻是貓店長跳到我大脾睡覺，店鋪很有家感覺，飲品自己去取。因為枱細，男老闆會很快速收拾吃完碟。女老闆忙完會在廚房出來問大家好不好吃，有無什麼材料不好？客人同客人之間好近，做就了互相傾談的情況，大家還交流下私事，感覺好有港式大排檔親切感覺。

相約朋友和大埔聚會，想起了這一間在大埔歷史悠久的雞煲放題小店這間餐廳在大埔已經有一定的名氣，價格相宜，而且味道質素高，他們的飲食食材種類不少，而且高質先來餐前小食，少有的放題店有海蜇和皮蛋任食，而且味道川味十足，海蜇爽口彈牙，皮蛋香濃點了他們的原味正宗重慶雞煲，川醬惹味，而且雞肉肉質厚身彈牙新鮮，配搭厚厚的雞皮入口非常滿足他們的火鍋配料的確高質素，任食方面推薦他們的水魷，來貨新鮮，入口彈牙，此外還額外點了他們單點的手切牛頸脊，同樣新鮮，入口重肉味，肥瘦部位比例剛好醬料和飲品選擇同樣多，非常適合三五知己閑聊的一間放題店

朋友踩車嚟到大埔，例牌約我去食大埔的地道小店，天氣忽然間涼咗，最好就係食雞煲打邊爐啦！方便佢泊車，我哋去咗近太和的麻痺英，佢哋嘅雞煲都幾出名，堅好食，價錢又抵，一個雞煲價錢，任食2小時。店長仲會久不久唱吓歌好輕鬆。香辣海鮮鷄煲 $208/位特色雞煲，款式選擇都好多，一場嚟到我建議食麻辣，好少食海鮮雞煲，就一於今次試吓食辣啲，雞煲好快就上枱。有Gas爐細火keep住溫度，聞到香噴噴的麻辣味。雞煲裏面的海鮮份量都好多，雞件保持住肉汁，雞煲賣相討好，仲有翠綠的翠玉瓜、芫荽，鮮紅的辣椒，煮得好入味的洋蔥、蒜頭、紫洋蔥，全部加埋麻辣汁一齊，好惹味！雞件食落好嫩滑，海鮮新鮮美味，香濃肥美。我覺得中辣味道剛剛好，特別刺激，十分Juicy。火鍋配料食完雞煲，當然要打埋個邊爐一氣呵成，配料寫紙仔，選擇超級多，份量足。食肉獸最鍾意美國肥牛、午餐肉、豬潤、滑牛肉、丸丸、餃子、花枝丸 、魚皮餃。配搭麻辣汁湯底，份外提升肉的鮮味。另一款吸湯汁神器，就係牛柏葉，不能錯過。海鮮也有魷魚仔、鮮魷，豐富而且最緊要新鮮。食完肉記得食啲蔬菜，粟米不能少，萵筍、淮山、蓮藕，爽脆好味，清新又健康。小食估唔到連小食都咁高質，而且

作為大埔人當然要黎支持下出名既地道雞煲小店。地點位置都好方便，出左大埔墟鐵路站行十分鐘左右就到。雞煲既選擇都好多，好少見會有沙嗲味既雞煲，就一於叫佢試吓。價錢都好便，$198/人任食2小時。叫左一陣好快有了，放低已經聞到香噴噴既沙嗲味🤤佢地係用舊式既爐，打邊爐既最佳拍擋。一個細既雞煲份量都好多，雞仲保留到肉汁，香濃既沙嗲味配雞件真係好特別，老闆得閒仲會過黎幫你搞搞個煲同埋幫你加水，十分nice. 😊食完雞煲就緊係打邊爐啦😆配料既選擇都好多，而每次叫都會跟返幾多個人比幾多份量，咁就唔怕食唔晒浪費。除咗配料仲有幾款涼拌小食，今次試左海哲絲，幾入味唔算太辣。打邊爐就緊係要食響鈴，就叫左份即炸響鈴$78 食落好香既腐皮味，吸晒啲沙嗲湯食好惹味。飲品係任飲既，飲多幾罐都唔怕。最後埋單2個人都唔洗$500，十分抵食！！

之前一家四口去食，出奇地見到全部都係一面倒嘅好評，特登去到呢一個唔近市中心嘅地方，慕名去食佢哋呢一個放題。首先舖頭係真係唔係細，佢哋好努力咁樣安排座位去盡用每一個空間。我哋被安排咗一張僅僅夠放圓凳嘅四人枱，可以想像到張枱其實唔係咁大，仲要食放題，每叫一樣嘢都會有一個容器而份量唔多，可能係因為咁樣，所以都唔叫到咁多放得落去個枱度。不過，佢嘅價錢其實唔係好貴，真係將貨就價，可以講食材好一般，冇一樣嘢我覺得係特別好味，一分錢一分貨，但係有啲浪費咗共享天倫享受一頓美食嘅晚飯時間。

今日去咗依間喺大埔屹立多年嘅雞煲火鍋店食飯，喺門口已經聞到好濃烈嘅雞煲香味，入到去，鋪面雖然唔算好大，但係差唔多八成坐滿，成個場都好熱鬧。我哋點香濃沙嗲雞煲，雞煲好快就到咗，炒得好香，香濃嘅沙嗲汁圍住啲雞件，佢一滾就可以食。當然其實佢嘅涼拌都做得好出色，雞煲未到之前可以食住涼拌等待。雞件每一舊都好大嚿多肉，咬落去全部都比沙嗲汁包圍住，味道好豐富，又惹味。肉質方面，雞肉都尚算嫩滑，唔會因為醃料醃過龍而嚡口。而且我最喜歡嘅係佢啲雞唔會好肥，唔會話食落去啲雞皮勁厚，每一啖都食到雞肉嘅嫩滑口感。順帶一提，我十分之喜歡佢哋嘅洋蔥，浸住雞汁浸到腍晒，好入味，甜甜地，打邊爐嘅時候仲可以再嗌洋蔥肉encore！兩個人有半隻雞，好快食完之後就可以叫佢嘅火鍋配料，有肥牛、滑牛、豬腩片等，一般肉類都尚算齊。丸類都好豐富，最鍾意食佢哋嘅花枝丸同埋蟹籽包心丸，加埋沙嗲雞汁一齊食，不知不覺就會食咗好多粒，蔬菜方面，有成十幾款，娃娃菜油麥菜同埋生菜呢啲一定有，仲有芋絲、烏冬、公仔麵，連紅薯粉都有，食雞煲一定要落紅薯粉先入味。佢個飲品櫃都好齊，除咗一般嘅汽水之外，仲有好多茶可以選擇，有糖同埋無糖嘅茶都好多有得你揀，有

當晚七點幾去到，無耐已經坐滿晒，仲要坐到門口出面，如果天氣唔係咁凍，其實坐出邊都幾好，仲可以睇住部車😆呢度超多款煲揀，選擇困難症發作！！今次試住佢哋個招牌麻痹雞煲（$188/位）先 ！好快個雞煲已經上檯，老闆話已經煮咗八成熟，煲一陣就可以食。個雞嘅顏色好吸引，望落已經知好夠味～食落仲幾嫩滑唔鞋口，而且份量都幾多～ 因為我唔太食得辣，落單嘅時候問我哋要大中小辣，我話要Bb辣🤣🤣 嚟到味道剛剛好，唔會辣到食唔到😍 個煲除咗雞之外，仲有翠玉瓜、洋蔥、蔥、蒜頭、芫荽、紫洋蔥、大乾椒，好惹味～食完雞煲就加湯轉打邊爐，款式好多！第一round叫咗：#美國肥牛 、 #午餐肉 、#草鯇魚片 、#魚皮餃 、 #萵筍 #涼拌黃金皮蛋 呢個麻麻辣辣，唔錯～#砂糖蕃茄 細個阿媽成日喺夏天整，簡單但好食❤️食食吓打邊爐食呢個凍凍地甜甜哋，幾開心同消滯～ 呢個叫咗兩次😂😂😂第二round叫咗：#花枝丸 、 #豬潤 、 #豬紅 、#唐生菜仲encore 咗碟肥牛～除咗食物多，嘢飲選擇都多，仲有啲平時少見啲嘅嘢飲～ 我幾鐘意支 #雪梨海底椰 ，細細支啱啱好～老闆好細心，會幫我哋校細啲個火同主動加湯再keep住睇個火～

嗰日上大埔社交平台group度睇有人問 邊度有最地道嘅打邊爐 好多人都答"麻痺英"去到果然見到夠曬地道👍 雞煲 豬肚鍋 烤魚 水煮牛肉煲羊腩煲 全部都有得揀今次揀咗烤魚 因為有小朋友所以就冇嗌辣味 酸菜味都好惹味 烤魚好大條 前菜 亦都有好多選擇 拍青瓜 麻辣 皮蛋 海蜇等等全部都好開胃其他打邊爐食物都好快嚟到 全部質素好有保證呢度真係除咗食食物之外 地道嘅感覺先係最重要🥢 見到除咗好多街坊之外亦都有好多大學生幫襯 想要地道之選一定要過嚟試下

放工同幾個friend衝去大埔呢家食店飲飲食食，撐開肚皮準備開動！環境純樸，滿滿的街坊feel，有種傳統香港嘅feel。瞓身入去，坐定定準備大戰一場。🍲首先，order咗C濃家蔥香雞，頂呱呱的滑雞，肉質鮮嫩得嚟味道又夠晒香，開動時每一口都暖笠笠，正！而個廣島生蠔，加咗個88元，六隻到手，嗰個新鮮啊，蠔味爽口得滯，真係融化咗喺口裡面，海鮮控一定心水呀！😍D肥牛切片，资金紋好似畫咗出嚟咁完美，輕輕咬落去肉香四溢，溫柔得嚟又唔會太油膩，啱晒我呢啲唔中唔洋嘅味蕾。同埋配料選擇多元化，獅子狗同魷魚片啖啖肉，彈牙食落啱哂咀。喺呢度足足歎咗兩個鐘，飽到你話咋！真係食到開心飲到滿足。😋總括嚟講，呢家食店既溫暖又人情味，質素抵讚！係個食得舒心飲得開懷嘅地方，下次還會嚟捧場！要講，大埔呢度真係隱藏咗好多美食寶藏啊！

因為呢間臨近聖誕，又要買禮物又要出去開party，要洗好多錢喇，但係因為近排天氣凍，又想去打邊爐，但係依家出去果啲任食打邊爐，價錢至少都要二百尾 三百頭，如果有啲貴啲嘅都唔止，可能要四五百，但係大埔呢一間雞煲+任食嘅打邊爐，兩個人埋單$400到搞掂，真係超級超級抵，平得黎又可以過口癮！！！咁今次我係平日夜晚去嘅，但係人流一啲都唔少，成間舖係坐滿哂，一張空枱都冇，仲喺食緊嘅期間不斷聽到有人喺出邊等緊位，所以人流一啲都唔少👍🏻入到去之後我哋首先叫咗一個招牌重慶雞煲，老闆十分之好人同埋熱情，唔單止教我哋點樣食，經過嗰陣見到我哋個雞煲就嚟燶仲會落手幫我哋攪兩攪😂😂經過見到冇乜水，又會主動過嚟幫我哋加水，十分十分之好👍🏻👍🏻因為我相信係出邊打個邊爐既都知道，好多時啲人見到你冇水都唔會幫你加，就算你主動叫佢哋幫你加，佢哋都係唔睬唔理咁，所以淨係呢一點都真係要讚一讚🥳同埋見到老闆同好多枱嘅客人都好似好熟咁，係叫得出佢哋嘅名同埋喺度一齊睇馬，所以喺呢度食嘅可以話係多咗一種人情味🥳咁食物方面，我哋首先食咗個招牌重慶雞煲，之後打邊爐火鍋配料佢都有好多種唔同嘅選擇，有肉有菜有瓜有丸有餃有午餐肉有牛柏葉有內臟

私心推薦大埔小店——麻痺英。佢既地理位置都幾隱蔽，係大埔舊街市一個小小嘅角落。係一間食物好味，又有街坊親切感嘅餐廳🥰我食嗰日老闆仲同班學生哥一齊唱李克勤嘅「紅日」🤣🤣餐廳變K房🤣🤣呢度有雞煲、烤魚同羊腩煲，全部都係任飲任食😝今次我揀咗中辣嘅招牌麻痺雞煲，係麻麻辣辣咁，醬汁香濃份量好大，雞煲一到就聞到好濃嘅香味，除左雞以外仲有好多配料，香氣撲鼻。雞肉仲keep 到肉汁，一啲都唔韌。呢到有幾款冷盤小食可以點，超級推介黃金皮蛋，麻辣醬汁配埋一齊好香口，食幾碟回到本😝火鍋配料都係常見食材，肥牛，五花腩，滑雞件等等。炸魚皮係脆卜卜，任食，點埋湯黎食一絕❗️My favourite 🤩

某天想跟朋友試大埔地區的美食，在朋友介紹下去了麻痺英這間雞煲火鍋店。剛好我們運動完後非常肚餓，思考片刻後決定光顧這家餐廳。店家是主打做街坊的生意，裡面的客人和老板非常熟悉不停在交談。用餐氣氛很有人間煙火味道，熱情洋溢。老闆本人亦很好客，當我們入座後已儘快安排餐具和餐單。餐廳沿用的是舊式卡式爐，如大排檔非常接地氣。\餐廳有一般火鍋店的基本醬料，如：醬油、蔥花、蒜頭、辣椒等等。餐廳有不少飲品選擇，食客可自行自取，任君選擇。套餐有很多選擇，主要是四川菜式如招牌菜麻痹雞(正宗重慶雞煲)，愛辣的朋友不要錯過嘗試，不過我朋友不能食太辣的食物，於是我們選擇C濃家蔥香雞煲，每位188元任食。火鍋料非常多選擇，很大眾化。濃家蔥香雞煲的雞肉非常滑嫩，雞肉浸滿醬料的味道，份外滋味，而且火鍋一直開火，偶有食到底部焦焦香香的雞肉。這道廣島生蠔肉需要加88元半打，每件蠔肉乾淨個頭也很大。火鍋怎可以缺少生蠔呢? 蠔肉鮮味很足，喜歡海鮮的朋友廣島一定要試試生蠔肉。雞煲自選配料我們不停剔選了美國肥牛切片，牛肉的色擇粉紅，脂肪紋理肥瘦相間，入口時沒有筋腱卡牙縫，肉味香濃。自選配料選擇也很多，眼花撩亂。我們隨手叫了獅子狗、

今日去咗大埔龍尾灘遊水， 遊完水勁肚餓！ 係時候要食大笨象😆 天氣又開始涼涼地， 食雞煲就最適合👍 大埔呢間任食雞煲麻痺英喺區內都算出名，終於都有機會試下！ 溫馨提示：必須提前訂位， 因為餐廳實在太爆棚🤗 麻痺雞$188位咁遠嚟到梗係食招牌菜麻痺雞啦，$188呢個價錢又可以食雞煲又可以打邊爐真係絕對超值👍 難怪晚晚爆場。 叫咗小辣， 但仍然非常惹味😍 雞肉好滑一啲都唔嚡口👍 火鍋部分配料選擇豐富， 肉類，海鮮類，菜類都有齊✨ 仲有幾款涼拌系列， 可以送下啤酒😍 各款汽水和紙包飲品都係任飲， 加18蚊可飲飲青島啤酒🍻 店員服務週到，會過嚟幫手開啤酒👍任食雞煲加打邊爐嚟講， 麻痺英真係冇得輸， 無論價錢，服務和食物質素， 都唔錯。天氣涼啲如果可以坐出面露天位仲更加有feel👍 嚟開大埔不妨試下🤗🤗

上星期和朋友聚會，兩個麻甩佬想找貼地一點的餐廳學學啤酒聊聊天，想起了這間在大埔很出名開業已經很久的任食雞煲除了傳統的雞煲外，他們也有提供不同口味的雞煲甚至烤魚煲店舖雖然細小，但是提供給食客的醬料和飲品一點也不少雞煲上場，濃郁的香氣和雞煲醬充斥著，雞肉入口彈牙，雞皮油份重，是適合用來做雞煲的雞種，另外配搭大量的配料例如洋蔥節瓜和香菜，令到整個雞煲惹味十足有驚喜的是他們的任食涼菜竟然有坊間少見的海蜇，而且味道絕不欺場，味道香濃，口感爽口，此外他們的涼拌皮蛋同樣值得推薦最後他們的火鍋配料也上枱，不得不說雖然是任食，可是食材質素絕對屬於高水準，他們單點的手切牛頸脊非點不可，性價比超高，肉質軟熟嫩滑重牛味極重，十級推薦

麻痺英（太和）📍大埔仁興街59號地舖已經好一陣子無食雞煲，係大埔見有雞煲邊爐任食就決定一試！以$188呢個價錢就有得食雞煲+火鍋連飲品放題實在好抵食。小店食物質素幾好之餘亦算坐得舒服，適合小伙子聚會一番👯‍♀️而且店員好貼心，會主動過黎幫我地開啤酒，幾好服務👍🏻🤍濃家蔥香雞煲 $188x2位食唔到辣嘅朋友仔就可以食呢款雞煲🙈份量多而且好惹味，就算唔辣都保留到雞煲嘅精髓🫶🏻肉質方面幾嫩滑剛剛好，唔會煮到好柴好老～🍲最後就到火鍋嘅部分了🥹火鍋配料選擇好豐富，肉類、海鮮、麵類等全部常見配料都有。而且會按人數分配份量，可以貪心地每樣都食少少☺️另外亦有涼拌系列，大餐過後食少少涼拌小菜都幾解膩～🧃汽水同紙包飲品都係免費任飲，加$18亦可以任飲青島啤酒🍺/整體評分：味道 🌟🌟🌟🌟🌟環境 🌟🌟🌟🌟服務 🌟🌟🌟🌟🌟衛生 🌟🌟🌟🌟抵食 🌟🌟🌟🌟🌟