大少燒味茶餐廳

营业中

休息中

大埔多好嘢食系人都知，而广福道附近，围住大明里广场一带嘅餐厅更加系高手林立。呢日响大埔收工，跟手去亲戚屋企食饭，谂起不如去大少烧味茶餐厅度斩啲料加𩠌啦。叫咗例牌嘅叉烧、乳猪同埋烧鸭，味道𠮶啲我晏啲再分享，讲一讲啲题外话先。就系一定要赞吓餐厅入面嘅职员全部都好有礼貌，尤其是喺我等紧斩料果阵，都有三四位年长组嘅顾客买烧味外卖，但系收银姐姐都好有耐性咁帮佢哋落单，非常抵赞！熟练嘅烧味师傅好快就帮我斩好哂啲烧味。我上到位亲戚屋企，佢哋都话啲烧味个卖相好得。埋位食饭，「叉烧」有少少㶶边，半肥半瘦香气四溢，食落去又够肉味。「乳猪」脆皮松化，伴随少少油脂嘅甘香，调味控制得好好，唔好太咸或者太淡。「烧鸭」有肉汁，兼且唔会靭。都系非常之有水准。讲真，烧味就梗系趁热食最好味，下次再食嘅话，希望有时间堂食啦！