麵屋 元祖達摩 (已結業)

大埔区拉面店唔多，有时想食d有质素嘅拉面，可能要特登岀去沙田或尖沙咀先有多d选择。但自从大埔开咗呢间元祖达摩之后，我就唔洗走咁远喇，因为佢嘅拉面汤底真系非常高质！今晚又同朋友一齐黎食，我地一人点咗一碗拉面🍜再加一个小食share。二人餐都几抵食，不过指定时段先有。北海道3.6牛乳拉面奶白色嘅汤底好香，比较浓厚，容易挂汤，每一口都连汤带面，唔觉唔觉几乎成碗汤饮哂。黑蒜油拉面黑蒜味浓，适合重口味嘅我地。由于有黑蒜油，个汤相对会比较腻。豚腩叉烧肥瘦肉比例适中，烧得好香，味道唔错。北海道蟹肉薯饼一向喜欢食薯饼嘅我几乎每次去拉面店都必点。呢度小食嘅款式超多，连薯饼都有几款口味。今次试呢个蟹肉薯饼都几有惊喜，有好香嘅蟹味，口感creamy，又唔会太油。梳打一进店就已经被呢两款樽身好可爱嘅梳打吸引，有柠檬同蜜糖味选择。两款味道都ok，我钟意蜜糖味甜甜地，但朋友话柠檬味fresh d好饮d。店员态度好nice，全部都系年轻人，成间店俾人一种醒神有活力嘅感觉。