道頓堀御好燒專門店 (大埔超級城) (已結業)

昨天放工返老家，同阿爸阿妈食饭，去大埔中心试新野，见开左间大阪烧一段时间，无食过就去试下。用餐时间90分钟，感觉有啲赶，因为野食要自己烧，烧到熟都需要时间。睇完餐牌，叫左个肉类御好烧、道顿堀炒面、牛肋肉、猪五花腩。原来个御好烧每边要烧5分钟，我们唔知，就睇住佢熟就反、个炒面同御好烧都系落𠮶啲汁，好似烧墨鱼丸汁咁，都几好味。之后再追加一个泡菜御好烧、鸡肉同牛肋肉。由于个铁板系无得换出来，所以每次食完都要铲干净再烧，所以每次都要重新落油，其实都几肥，不过食落又唔系好油，可能因为啲酱汁。整体感觉几新颖，但唔会成日食，价钱ok,唔太贵。