皇朝明珠

营业中

休息中

周末约咗几个朋友去大埔饮茶，有人提议入三门仔𠮶间皇朝明珠食，话𠮶度啲嘢食好味之余，周围环境都好靓，又有得泊车，一于去试吓。👏去到𠮶度，环境靓到不得了，有山有水，室内装修高雅，又可以坐外面欣赏靓靓嘅境色，朋友话怕热又怕蚊，所以都系坐喺室内。😅呢度啲茶叶质素好高，唔同普通嘅茶楼，茶味香浓。食物方面都几多选择，有几样点心系经理特别推介，我哋叫咗𠮶啲点心之余亦叫咗其他我哋钟意食嘅嘢。😄等咗一阵，点心陆续出笼。先嚟个烧乳猪，上枱时仲系热热哋，皮脆肉嫩，正！跟住𠮶几个都系经理推介嘅，上汤金鱼饺配水晶球，好似条金鱼喺水入面游紧水，饺入面都系新鲜嘅虾，汤系用金华火腿熬出嚟，好香浓，水晶球嘅料都系用鲜虾做，一个字，鲜！😋饮茶又点可以冇虾饺烧卖呢？佢哋用嘅料都系唔差嘅，相信系师傅每日新鲜手做，唔似有啲茶楼由中央工场派送嘅。佢哋肠粉有样好特别嘅就系三色肠，一碟有三款包括鲜虾、义烧同牛肉，满足唔同人嘅需要。👍另外叫咗义烧酥、麻辣小云吞、蟹肉芙蓉饺、手打百花饼同牛油果鲜虾春卷，冇一样系会令你失望。再嚟个炖螺头汤，用料十足，清甜冇味精，个个饮完都赞不绝口。最后食埋个流沙包做甜品，呢餐真系冇得顶。👍👍