大哥雞飯去骨海南雞

营业中

休息中

今日放假，去咗大埔揾朋友，约埋一齐食午餐。行过见到一间新开嘅餐厅，主要食海南鸡、喇沙、肉骨茶。我哋拣咗两个午市套餐，套餐包括有主菜，餐汤和油饭。是日餐汤系椰子红枣雪耳鸡汤，清甜好饮，滋润美味，饮得出冇味精。油饭比较干身，香气扑鼻。主菜拣咗海南鸡配油饭（$62）几乎每张枱都会叫海南鸡饭，鸡件嫩滑多汁，而且好入味，配上青瓜和三款酱汁，好食。而另一个主菜拣咗槟城卤水双拼配卤水蛋 ($65）双拼有卤水腩肉和卤水猪肠，仲有1只卤水蛋，卤水腩肉和猪肠都够味，都系我钟意嘅食材，真系大满足。饮品我哋叫咗芒果椰汁冰（$20)同椰汁红豆冰（$20）大大杯，唔会太甜，消暑解渴。