Homeland (東昌街) (已結業)

话咁快又到星期日，今日又同老公偷走出去叹个美味午餐，睇过好多介绍「Homeland」既文章，知道佢以手造意粉出名，今日特别想食西餐，所以北区儿童特登黎左大埔食Lunch.星期六日都有lunch set做紧，每个main course都送沙律同饮品。🥩香煎美国安格斯牛肩膀扒首先想讲佢d配菜包括粟米芯、翠玉瓜茄子同菇炒得劲惹味，超级热辣辣，伴碟仲有牛油薯蓉，劲香；讲番主角块扒，美国系特别重肉味，牛肩膀都好淋口，虽然佢比落order既五成熟熟多左少少，不过仍然十分juicy.🍝蒜香辣椒炒大蚬意大利粉Homeland手造意粉比一般意大利粉粗身同偏黄，卖相似油面，食落就似上海粗面口感，好特别。唔好睇相以为冇乜大蚬，其实全部喺晒意粉底又大只又新鲜，呢个蒜蓉辣椒意粉比我想像中偏辣少少，如果怕辣就可能要拣第二样喇，不过辣得过瘾又惹味，正！🍗柚子蜜鸡翼食完个辣意粉，酸酸甜甜嘅鸡翼就可以中和返个辣味啦。呢个柚子蜜鸡翼面头嘅酱系真系好似饮紧柚子蜜，炸又炸得香脆可口，食完饮杯冻柠茶好满足。最后讲下个环境，大埔Homeland分左两层，多人可以坐上层，又有吧台位，四周挂满壁画，好岩同屋企人朋友聚会。