麵屋 元祖達摩 (已結業)

喺大埔太和𠮶头做完嘢，差唔多晚饭时间，于是去揾嘢食。个边咁多选择又唔知点㨂好。行过见到有间面屋元祖达摩，拉面喺favourite之一，于是唔谂咁多就入去食。坐低咗，点咗一个激辛嘅辛辣拉面，同黑蒜油拉面，饮品招财猫梳打同达摩梳打。拉面好快就到咗，先喺黑蒜油拉面，上枱已经闻到蒜油嘅香味，入口香浓蒜味但唔会太浓，汤底味道亦唔算太浓，但两样配合惊喜地味道好好，拉面都够弹牙值得一赞。辛辣拉面，入口先充满日式辣油嘅味道，之后再有香味渗出，辣得嚟有层次，激辛辣度对食得辣嘅朋友绝对无问题。之后再点左几款小食，质素都好好。估唔到又揾到间食拉面嘅好地方，下次会再嚟食过！