Polaris

营业中

休息中

之前黎食过几次，都觉得几好食，回头率高，所以今次推介俾大家👍。点完餐后，店员就会递上餐汤，以前既南瓜汤超级好饮，浓浓的南瓜味🎃，好顺滑同creamy。今日餐厅转左餐汤，系蕃茄浓汤🍅，饮入口甜甜酸酸，但可能加左吞拿鱼🐟既关系，有少少腥，个人不太喜欢。黑松露汁鸡扒配薯茸根据经验，大家叫呢个餐通常都要等一段时间，鸡扒🐓超大块，外层煎得十分酥脆，黑松露汁香味浓郁，薯茸🥔非常creamy，薯茸里面仲有薯仔颗粒，有双重口感，唯一缺点就系鸡扒有少少咸，不过整体来说，十分推介大家叫呢个餐😍。午餐仲附送一杯蜂蜜柠檬🍯🍋，如果平时系餐厅叫冻柠茶、咖啡、奶茶叫到厌，偶尔饮一杯都唔错，非常清新同润喉，甜度适中。呢度环境舒适，装修简约，座位与座位之间都有适当距离，系约会或聚会既好地方，值得推介🥰。