L'AMOUR

3周年纪念日当然要去间有浪漫情调既餐厅fine dinning啦。所有食物都系即整，摆盘精美。焦糖法式炖鹅肝第一次食，估唔到鹅肝同焦糖一甜一咸既食物夹埋一齐食都几衬。餐厅好有心机将白面包整成玫瑰花同整到外脆内软，仲画左树枝俾玫瑰，点住美味既鹅肝酱食，一大享受。自家制蟹饼配柠檬忌廉汁好食，蟹饼热辣辣又饱满，配柠檬忌廉汁食几夹。黑松露蘑菇忌廉汤配有一块香脆既蒜蓉包。香煎澳洲西糟鲈鱼·椰菜花蓉·红𫝭豆·青豆比想像中大份，鱼肉嫩滑，鱼皮煎到脆脆地。鲜果·雪糕·杏仁·芒果摆碟精致。我临时问可唔可以写祝福字句，字写得好靓。叫左两杯Cocktails，我叫左Chi-Chi，男朋友叫左Old Fashioned。Chi-Chi好易入口，偏水果同奶味多啲，唔错。男朋友话Old Fashioned几好几抵饮，真材实料。一杯威士忌加糖浆俾你。